සිනහව කදුල දුක පිරි ජීවිතයේ විවිධ ඉසව් රසවත් ලෙසින් ලියන්නට.....

......සිනහව කදුල දුක පිරි ජීවිතයේ විවිධ ඉසව් රසවත් ලෙසින් ලියන්නට.....

Saturday, February 4, 2017

පෙබරවාරි 4 වෙනිදා


මෝඩකම් අමනකම්
බූරු වැඩ වලින් යුත්
බඩ ගැන හිතලා
කල පාව දීම්
සියල්ල මැදින්
සුද්දා  බන්දේසියේ තියල දුන්න
අපට නැති උන්ට ගත්ත
සුරාකන්න
පාලනය  කරන්න
විකුනන්න
නැවිලා වැදලා ගනිපු
සමරනවා හොරු රැල
අතිමහත් උත්කර්ශවත් අන්දමින්
අපිවත් අන්දමින්

Monday, January 23, 2017

උලුක්කුලමේ පුංචි මතකය















වෙඩි හඩ මැදින් 
දුම්රොටු පුළුටු ගදින්
වැසි පැවතුන ඒ අතීතයේ 
උලුක්කුලම මැටි පාරේ 
අපේ  ගෙදර ලග වැට  මායිමේ 
මා සොයා ආ පුංචි දේවිකා 
ඔයා කොහේද ගියේ 
රෝස පාට තට්ට බෝනික්කා 
කෝම්පිට්ටු පොල්කටු 
තාම මතකයි හීනයක් වගේ 
ඔයා ආවා මගේ යාළුවේ 
යුද්දේ දරුණු වුන නිසා 
අම්මා තාත්ත එක්ක 
මං ගියා අනුරපුරට 
මාළු විකුනපු ඔයාගේ තාත්තා 
කොටි මරුවලු ..
ඔයත් මැරුණා කොටි අතින් 
හිත අඩනවා තාම මගේ 
සුදු පරවියෝ පියාබන 
කොවුල් හඩ නගන 
දෙදාස් පහළොවේ බක් මාසේ 
මම අවා උලුක්කුලමට ...........
ඔයා හිටිය නෑ 
කාටවත් මතක නෑ අනේ ඔයාව 
මට මතකයි තාම 
සමුද්‍රා අක්කා ඇඩුව මම අදුනගෙන 
අනේ ඔයා හිටියානම් මට ................

Saturday, January 21, 2017

අතීත කාල සැමරුම



තෙල් ඩිංගක් මතුරපු 
මොහොට්ටි සීයාද 
හයහමාරේ ප්‍රවෘත්ති අහපු 
වඩු මුත්තාද ................
වන්ගුවේ බුලත් ඒදන ගිමාර අක්කාද 
නිහඩව පර බලනා හින්නි මහතාද 
කඩේ බඩු කිරනා ඩිංගි මහතාද 
තුන්මුල්ලේ රෙදි මහපු හිච්චි මහතාද 
ගතේ අමාරුවට බෙහෙත් දෙන වේද මහතා ද 
හිතේ අමාරුවක් වුනෝත් 
බෙහෙත් දෙන බාල මහතාද 
කොන්ඩෙ කපන සිප්පු අය්යා ද 
රේස් කඩේ රත්නේ මහතා නැති 
නවීකරනය කෙමෙන් ගිල ගන්නා 
බට තුබේ හන්දිය ................

Thursday, January 19, 2017

සයිටම් විලාපය














වෙනුර අය්යේ ,
මේ අය නැගිට්ටේ පරක්කුවෙලා
අසමගියේන්  ,අවිස්වාශයෙ න්
ඇස්  නිලංකාර කරගෙන
සිවිල් සමාජයේ පොර හීන
බැලුවා ...............................
වැඩේ වැරදෙන බව දැක්කාම
ඔයාලා මතක් වුනා .....
ටච් පොන්,ෆේස්බුක් ලෝකයේ
මංමුලා වුන කට්ටියට
බඩේ පාර වදිනවා දැනුනහම
කොමන් රූම් වල කැන්ටින් වල
මුල්ලට දමල තිබුන
ත්‍රිමලා ,වෙනුරලා ,මතක් වුනා
අලුතෙන් ප්‍රේම් ගහල විදුරු
දමන්න මතක් වුනා
දැන් වැඩේ අනාගෙන නානවා
නුබලා හෙලු ලේ කදුළු
නොතිබෙන්න ඇපත් නැහැ .............

Sunday, January 1, 2017

වනන්තරේ නිරන්තරේ ............



කලේ කපනකොට නිදියපු බලධාරියොයි
කපන්න සපොට්කරපු දෙසපාලුවොයි
උන්ට කතිරේ ගහපු මෝඩ මහා ජනතාවයි
කැලේ කපන්නේ තම්බියද ,දෙමළද ,සින්හලයද
හොයා හොයා ඉන්න ජාතිවාදී හොරුයි !
විල්පත්තුව ,සිංහරාජය ,කුමන ,වස්ගමුව
අහලවත් නැති නගරේ ඉන්න හාල් පාරුවොයි
අවංකව කැලේ  කපනවට විරුද්ධ
මිනිස්සුයි !
ඔක්කොම පිටකරන කාබන් ඩයොක්සයිඩ්
උරාගෙන ඔක්සිජන් බෙදා දෙනවා
වනාන්තරය........................


Saturday, December 10, 2016

කනෙක්ෂන්

ඉමෝ ,වට්ස් ඇප් ,වයිබර්
ඩබල් සිම් නේක  කනෙක්ෂන්
පෝනයක හිමි .............
සියලු සබදතා අතහැර
හතර වරිගයම නිවන් දක්කවන්නට
සාසනයට  පැමිණි පුජ්‍ය හිමි .........
හමුවනා බස් නැවතුමේදී
විමසුවෙමි පැමිණි සුවද ගැන
පැවසුවා එහිමි සිල් සුවද බව
අදයි දන්නේ සිල් සුවද
සමාන බව බ්ලැක් නයිට් සුවදට....
.... 

Saturday, November 19, 2016

මිතුරු හවුල



කාර්යාලයට හොර බිල් දමා පිල්ලි ගහන 
ගන්කධිකාරී මහතාද ,
ඉස්පිරිතාලේ බෙහෙත් උස්සලා ෆාමසියට විකුනන 
ඖෂධවේදියා ද ,
ළමයි ගන්න අත යට ගාන ඉල්ලන 
ගරු විදුහල්පති තුමාද ,
කට්ටි පැනලා දිස්පෙන්සරියට එන 
දොස්තර මහතාද ,
කොන්ත්‍රත් කරුවන්ගෙන් අනුමැතියට සල්ලි ගන්න 
ඉංජිනේරු මහතාද ,
මිතුරු හවුලේදී රහ මෙර බොමින් ,
අර්ජුණ මහේන්ද්‍රන්ට අම්බානක බැන
හදුන්නෙත්තිගේ ගුණ ගයා 
සතුටින් විසිර ගියහ........................... 

Monday, November 14, 2016

ඉල්



පුතේ වාරූ තිබෙනව තව සිත        ගාව

නුබේ රුව මැවී පෙනෙනව       හැමදාම

නුබේ මතකයන් අරගෙන හැම වසරේම     

ඉල් සැමරුමට මම යනවා පෙර    සේම

තප්පර පැය වෙලා කාලය ගෙවිලා    ගියා

නුබෙ මතකයන් මට පමනක් ඉතුරු  වුනා

සැගවුන මතකයන් එක්වී රොද    බැදෙනා

මෙ වැහි ඉල් මහේ නෙතු කදුලින් තෙමුනා


ඈත ගම් නියම් අහුකොන        නිරන්තරේ

නුබ වැනි තවත් මල් පිපෙනව  නිරන්තරේ.

එක් කොට සුවද වත් කෙරුමට  මිනිස්පුරේ

නුබ වැනි එවුන් දහසක් ඉල් මස     සැමරේ 

Sunday, October 30, 2016

උන්ගේ පැතුම



උතුරේ යුද්ධය ඉවරයි 
ඒත් අම්මා තාත්තා නැති දරුවො 
උනුත්  ඉගෙන ගන්න ඕන 
පාසලට යන්න ගමන්  වියදම  
රුපියල් පහයි
ඒකත් නැති දරුවො ඉන්නවා 
උන් පයින් යනවා
කකුල් රිදෙනවා 
අව්ව ,වැස්ස 
හිත රිදෙනවා .................
මිය ගිය අම්මා අප්පා මතක් වෙනවා
අයිත් ආයුධ ගන්න හිතෙවී
කිලිනොච්චියට හෙලිකොප්ටරයේන් 
උන්ගෙම ජාතියේ මිනිහා
නියොජ්‍ය අධ්‍යපන ඇමති එනවා
හරිම පුදුමයි
අර අහිංසකයින්ගේ සුබ සාධනයට 
සල්ලි නැතිලු 
උබලාගේ ඉවසීම ඉවරවුනාම 
හිත් නරක් වුනොත් උබලගේ 
අරූ ඒවී දෙමල වේට්ටිය කරට අරන්
උබලා ෆොම් කරන්න
ගහ ගන්නෙ උන් නෙමෙයි
මොනරාගල ,අනුරාධපුරයේ ,ඇබිලිපිටියේ 
කනිටු විදුහල් වලින් 
ඕ ලෙවල් ෆෙල් වෙච්ච 
ෆොම් කරපු රනවිරුවො එක්කයි.
උන්ගේ පැවැත්ම හා පැතුමයි එය............

Saturday, October 22, 2016

පන්සලේ බල්ලා

   

වෙසක් පෝය දවසේ මම පන්සලට ගියා මොකටවත් නෙමෙයි රැ හයි කරපු වෙසක් කූඩු වලට බල්බ් හයි කරන්න .හතර පොයටම සිල් ගන්න සිල් ඇත්තො වගේම වෙසක් පොය විශේෂ නිසා සිල් ගන්න ඇත්තොත් ඇවිත් හිටියා .දවල් උපාසක දානේ පටන් ගත්තා ඒ එක්කම පටන් ගත්තා බුද්ධ පූජාව මට පැව්රිලා තිබුනේ පෘඩ් සැලඩ් එකතු කරන්න පෘඩ් සැලඩ් ගමේ ගෙවල් වලින් ගෙනත් දෙනවා එක උපාසක අම්මා කෙනෙක් එයාගේ පෘඩ් සැලඩ් එක භාජනයට දැම්මෙ පහු වෙලා කවුරුත් දමනකම් හිටගෙන හිටියා  මොකද බුද්ධ පුජාවට එයාගේ සැලඩ් අහු නොවෙයි කියාලා තිබුන බිය මුසු සර්ධාව නිසා ,

කොහොම හරි ධානේ කටයුතු වලට උදව් වෙන්න කලු මල්ලි කෙනෙක් ඇවිත් හිටියා මල්ලිගේ හම කලු වුනාට එයා දැකුම් කලු පෙනුමක් තියෙන කෙනෙක් හැබැයි හිත හරිම සුදු කෙනෙක් .එයා දැක්කා මහ සෙනග අස්සෙ ඉන්න පන්සලට ගමෙ සද්ධාවන්ත පින්වතුන් ප්‍රධානය කරපු පුoචි බලු පැටියෙක් ලස්සනත්  නැහැ හුරුබුහුටිත් නැහැ හමේ චර්ම රොගයක් හැදිලා කසනවා මල්ලි පොඩි ගොනියක් අරගෙන බල්ලා ඔතා ගත්තා යලුවෙක් එක්ක බල්ලා අරගෙන මොටර් සයිකලේ නැගලා ගියා .ටික වෙලාවකින් තුන් දෙනාම ආපහු ආවා (කලු මල්ලියි,බල්ලයි,යාලුවයි) 

        මම පොසොන් පොයටත් පන්සල් ගියා ලස්සන මවිල් පිරුනු පුoචි බලු පැටියා මම ලගට දුව ගෙන ආවා  පොඩි හාමුදුරුවො ලස්සන කතාවක් කිව්වා .කලු මල්ලි වෙසක් පොය දවසෙ බලු පැටියා වෙද ගෙදර ගෙනෙහින් ,දොස්තර මහත්තයා දීපු බෙහෙත වැඩ කරලා බලු පැටියා සනීප වෙලා.